Gara me kuaj në bregdetin e Darëzezës, Fier

30 Nentor 2025

Bregdeti i Darëzezës, Fier  u kthye të dielën në një pistë të vërtetë garash me kuaj. Në aktivitetin e zhvilluar në kuadër të festave të Nëntorit morën pjesë 16 kalorës nga e gjithë Shqipëria, Lugina e Preshevës dhe Kosova.

Sipas organizatorit Indrit Plangaj, gara u zhvillua me pjesëmarrjen e 4 klubeve sportive, ndërsa 16 garuesit konkurruan në 3 gara shpejtësie me gjatësi prej 2 dhe 3 kilometrash.

Gara me kuaj në bregdetin e Darëzezës, Fier

Duke marrë shkas nga ky aktivitet, organizatorët shprehen se duhet më shumë vëmendje për të mbështetur sportin plot adrenalinë të hipizmit.

Në përfundim të aktivitetit, ku morën pjesë shumë qytetarë të grupmoshave të ndryshme, u shpallën 9 fitues të vendeve të para në të 3 disiplinat. Kalorësi fitues, Eduart Cinga, u shpreh i emocionuar duke bërë thirrje gjithë të apasionuarve pas hipizmit që t’i bashkohen këtij sporti.

Gara me kuaj në bregdetin e Darëzezës, Fier

Vija bregdetare e plazhit të Darëzezës është kthyer shpeshherë në pistë për aktivitete të ndryshme sportive.

tvklan.al